ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ՊԵՏԱԿԱՆ ԾԱՌԱՅՈՒԹՅՈՒՆ

Շվեդ փորձագետների այցը ՄՊԾ

2013-04-29

    

 Ս/թ ապրիլի 29-ին պրն. Եգանյանն ընդունեց Շվեդիայի միգրացիոն խորհրդի փորձագետներ պրն. Ուլֆ Բոհմանին և տկն. Իվոնե Բենգթսոնին, որոնք Երևանում են ԵՄ կողմից ֆինանսավորվող Թվինինգ ծրագրի՝ «Աջակցություն Միգրացիոն պետական ծառայությանը հզորացնելու միգրացիայի ոլորտի կառավարումը Հայաստանում», շրջանակներում: Պրն. Եգանյանի հետ հանդիպումից հետո փորձագետները շրջայց կատարեցին ՄՊԾ ապաստանի բաժնում և հնարավորություն ունեցան աշխատակիցների հետ քննարկելու տարաբնույթ հարցեր: Նրանք հանդիպեցին նաև ապաստանի բաժնի պետ պրն. Պետրոս Աղաբաբյանին:

 Հայաստանում եղած ժամանակ նրանք հանդիպումներ կունենան նաև ապաստանի հարցերով զբաղվող այլ շահառուների հետ (Հայ երիտասարդ իրավաբանների ասոցիացիա, Վարչական դատարան): Այս գործառույթը ծրագրի երկրորդ բաղադրիչի մաս է, որը նպատակ ունի բարելավելու միգրացիայի հարցերով զբաղվող կառույցների հետ համագործակցությունը: Այն կավարտվի մեկուկեսօրյա սեմինարով, որին կմասնակցեն տարբեր կառույցների ներկայացուցիչներ: Սեմինարը տեղի կունենան ս/թ մայիսի 2-3-ին և կվերաբերի ԵՄ-ում ապաստանի ընթացակարգերին: